CTAM "Mirzə Qədim İrəvani: Parlaq rənglərin işığında" kitabının təqdimatında

"Cosmoline" Tərcümə və Araşdırma Mərkəzinin əməkdaşı Həsən Əhmədov “Mirzə Qədim İrəvani: Parlaq rənglərin işığında” kitabının təqdimatında iştirak etmişdir. Azərbaycan təsviri sənətinin görkəmli nümayəndələrindən biri Mirzə Qədim İrəvaninin həyat və yaradıcılığına həsr olunmuş kitab British Petroleum Azərbaycan və Təşəbbüslər və Layihələr Mərkəzinin birgə təşkilatçılığı ilə ərsəyə gətirilmişdir. Təqdimatda mədəniyyət və incəsənət xadimləri, tədqiqatçılar, eləcə də, ictimaiyyət nümayəndələri iştirak ediblər. Tədbir çərçivəsində kitabın məzmunu, nəşrin məqsədi və Mirzə Qədim İrəvaninin Azərbaycan təsviri sənətindəki rolu barədə məlumat verilmişdir. Qeyd edək ki, kitabda, həmçinin, Mirzə Qədim İrəvaninin yaradıcılıq yolu, sənət üslubu və mədəni irsi elmi vizual materiallar əsasında geniş şəkildə öz əksini tapmışdır.